ضغطتين. والأوردر اتسجّل.
آيس لاتيه، لارج، لبن شوفان، شوت زيادة. الحجم واللبن والشوت زراير الباريستا بيدوس عليها، مش كتابة بالقلم على الكوباية.
مطبخ بيشغّل الكاونتر بتاعك على تابلت عندك خلاص: أوردرات بكل الإضافات، فواتير العملاء وتذاكر البار على طابعة الـ 80 مللي، مخزون بينقص لوحده، والمكسب الحقيقي على كل حاجة بتبيعها.
مفيش نسبة على الأوردر · التجهيز والتدريب مجانًا
آيس لاتيه، لارج، لبن شوفان، شوت زيادة. الحجم واللبن والشوت زراير الباريستا بيدوس عليها، مش كتابة بالقلم على الكوباية.
المشروب بيظهر على شاشة البار (باقة Standard)، وفاتورة العميل وتذكرة البار بيطبعوا مع بعض على رول الـ 80 مللي.
العميل يقرأ الـ QR، يختار، يدفع على الكاونتر، ويستلم. الأوردر بيكون على الشاشة عندك قبل ما يدخل.
كل بيعة بتنزل من المخزون لوحدها، وييجيلك تنبيه قبل ما الحاجة تخلص.
التكلفة والمكسب على كل حاجة بتبيعها، بالإضافات. لبن الشوفان بيزوّد السعر 25 جنيه والتكلفة 36: عمرك ما كنت هتشوفها في الكشكول.
تقرير الـ Z بيقسّم اليوم حسب طريقة الدفع وحسب الكاشير. الدرج مظبوط، أو تعرف بالظبط فين الفرق.
شوفه على المنيو بتاعكستة واقفين، وواحد بياخد الأوردر ويعمله. وتلاتة بصّوا على الطابور ومشيوا للمحل اللي جنبك — ومحدش حسب التلاتة دول.
الأسعار من الدماغ، والتكلفة تقديرية، والمكسب على أي مشروب جديد مجرد تخمين. وتكتشف إنه كان بيخسّرك آخر الشهر، لو اكتشفت أصلًا.
الكاش مش قد اللي مكتوب. ومتعرفش أنهي شيفت، ولا أنهي كاشير، ولا من إمتى بدأت الحكاية.
سعر معمول لسلسلة فروع: رسوم تجهيز، وجهاز لازم تشتريه منهم، وعقد مكتوب لمطعم بأربعين ترابيزة. وإنت عندك كاونتر واحد.
مطبخ بيحل ده كله.
كل واحد في المحل ليه شاشة معمولة لشغله، من البار لحد موبايل صاحب المحل.
اختار الأصناف، والسلة بتتكوّن قدامك. شاشة واحدة لكل طرق الدفع: كاش، فيزا، إنستاباي، محفظة. ونقاط الولاء في ضغطتين.
كاونتر واحد أو سلسلة صغيرة — نفس النظام، ومفتوح منه بس اللي إنت خدته.
الحجم، نوع اللبن، شوت زيادة، والسيرب كلهم إضافات الباريستا بيدوس عليها، مش بيكتبها بالقلم. المشروبات تظهر على شاشة البار (باقة Standard)، وفاتورة العميل وتذكرة البار بيطبعوا مع بعض على نفس الرول.
كل بيعة بتتعلّم "تاكل هنا" ولا "تيك أواي"، فتقرير آخر اليوم بيفصلهم لك. والعميل كمان يقدر يطلب من موبايله: يقرأ الـ QR، يختار، يدفع على الكاونتر، ويستلم.
وضع الريتيل: تقرأ الباركود، المخزون ينقص لوحده، وييجيلك تنبيه قبل ما الحاجة تخلص. المنتجات والمخزون في شاشة واحدة.
كل اللي محتاجه عشان تشغّل النهارده وتكبر بكرة، في نظام واحد ومن غير إضافات.
سجّل أي عميل برقم موبايله على الكاشير أو من صفحة الطلب بالـ QR. النقاط بتتحسب على كل فاتورة وتتصرف كطريقة دفع. وصاحب المحل يشوف إجمالي صرف كل عميل، وعدد زياراته، وآخر زيارة، وكشف نقاطه كامل.
اعمل عرض "اشتري واحد والتاني ببلاش"، أو كومبو ("برجر + بطاطس + مشروب = 60 جنيه")، أو عرض كميات ("3 أسياخ بـ 90"). العروض بتتطبق لوحدها على الكاشير، والأكواد موجودة لخصومات الموظفين بحد أقصى للاستخدام.
كل بيعة بتنقّص الخامات من المخزون عن طريق الوصفة، حتى الإضافات زي الجبنة أو الصوص. سجّل الهالك بسببه وتكلفته. واعمل وصفات تحضير ("صينية آيس كريم = 10 بولات") وحضّرها بضغطة.
كاش، فيزا (على مكنة الفيزا)، إنستاباي، المحافظ (فوري، فودافون كاش)، القسائم، نقاط الولاء والخصومات: كله بيتسجل بطريقته الصح. قسّم الدفعة الواحدة على أكتر من طريقة. والتيبس بتتسجل لوحدها، مش بتدخل في الإيراد.
صفحة المكسب بتوري صاحب المحل التكلفة وإجمالي الربح ونسبة المكسب لكل صنف اتباع، بتكلفة الإضافات اللي اتختارت. تعرف أنهي صنف مشهور بيخسّرك. ومتوسط التكلفة بيتحسب تاني لوحده لما المورد يغيّر السعر.
تقرير آخر الشيفت بيوريك الفواتير المقفولة، والعروض اللي اتطبقت، والضريبة والخدمة، وإجمالي الدفع حسب الطريقة وحسب الكاشير، والمرتجعات، والتيبس. في اليوم النضيف الفرق صفر، فالتقفيل ياخد دقيقة مش ساعة.
اختار شريحة عملاء جاهزة (أعلى 10% صرف، عمرهم ما استخدموا نقاطهم، بطّلوا ييجوا، أول مرة) واكتب رسالة فيها اسم العميل ونقاطه. مطبخ بيعمل لينك واتساب مخصوص لكل عميل: تدوس، تبعت، خلاص.
كل فرع ليه المنيو والمخزون والموظفين بتوعه. صاحب المحل يتنقل بين الفروع بضغطة، أو يشوف السلسلة كلها مع بعض. انقل المنيو من فرع لفرع، وانقل الموظفين من غير ما تعمل حسابات جديدة.
مفيش جهاز تشتريه مننا. مفيش تجهيز معقّد. ومش محتاج حد IT.
بنختار نوع الشغل (كاونتر، تيك أواي، أو ريتيل)، ونحمّل المنيو والمنتجات والإضافات، ونعمل حسابات الموظفين. يشتغل في أقل من ساعة، على تابلت عندك خلاص وأي طابعة 80 مللي.
الكاشير يبيع من شاشة الكاشير، والبار أو المطبخ يشوفوا الأوردرات لحظتها، والعملاء يطلبوا مسبقًا بالـ QR. مفيش كورسات تدريب: كل واحد ليه شاشة واحدة.
الإيراد، المكسب لكل صنف، ساعات الذروة، تكلفة الهالك، نمو الولاء، وتقرير Z آخر اليوم: كله على موبايلك. وأخيرًا تعرف أنهي منتج هو اللي بيدفع الإيجار.
مفيش نسبة على الأوردر، مفيش مصاريف مخفية، ومفيش جهاز تشتريه مننا. التجهيز والتدريب مجانًا في كل الباقات.
كاونتر واحد
معمولة لـ: عربيات القهوة، الأكشاك، محلات العصير، عربيات الأكل والميني ماركت. كاونتر واحد وصاحب المحل موجود.
فيها
محلات زحمة
معمولة لـ: الكافيهات ومحلات التيك أواي الزحمة اللي فيها بار أو مطبخ وفريق شغل.
كل اللي في Lite، وكمان
فرعين أو أكتر
معمولة لـ: اللي عنده فرعين أو أكتر، والسلاسل والفرانشايز.
كل اللي في Standard، وكمان
نعملك باقة على مقاس محلك. اختار المميزات اللي محتاجها، لأي عدد فروع.
ابعتلنا المنيو. إحنا نجهّزه، ونمشّيك عليه في مكالمة، ونجاوب على أي سؤال قبل ما تدفع حاجة. مفيش رسوم تجهيز، مفيش نسبة على مبيعاتك، ومفيش جهاز تشتريه مننا.
اطلب ديمو على واتسابمفيش رسوم تجهيز · مفيش نسبة · مفيش جهاز تشتريه